激光脫毛波長？副作用大唔大？

夏天嘅香港又濕又熱，唔少女仔都會想著背心熱褲去解熱，但係又怕比人見到自己手臂同腳嘅毛毛？相信唔少女仔都掙扎過究竟選擇激光脫毛定係自己係屋企脫毛，仲又怕激光脫毛對身體有副作用？今次就等小編我話你知究竟激光脫毛對身體有冇副作用啦！

---

了解激光脫毛

其實激光脫毛係無痛及效果永久嘅脫毛方法，運用咗光學原理、透過特定光束照射皮膚以穿透皮膚深層、毛髮黑色素吸收能量後，毛囊受到破壞、壞死，達到唔可以再生毛嘅效果。一般嚟講，基本上做咗6次療程就已經可以令90%毛髮停止生長、做到永久脫毛效果，療程相隔時間約一個月；但效果亦因人而異，毛髮濃密嘅人有可能需做6次以上療程先可以徹底清除毛毛。

---

激光脫毛波長

📌 以上圖片顯示唔同波長嘅深度

激光脫毛都有分不同的波長，波長的數字是以納米(nm)為單位，簡單啲就係深度。我們成日聽嘅755、808、1064究竟係咩呢？

1. 755nm波長

 755nm波長比較容易被黃皮膚的黑色素所吸收，所以係亞洲人首選嘅脫毛波長。

 2. 808nm波長

808nm波長對啡色毛髮的脫毛效果較佳，對黃皮膚嘅黑色素吸收度比較少，未必適合亞洲人。

3. 1064nm波長

由於1064nm波長穿透力比另外2個波長深，因此會更適合毛髮濃密的部位，以及膚色較深嘅人。

---

激光脫毛嘅副作用

由於激光係屬於高能量療程，完成療程後，皮膚可能會有以下嘅副作用：

1. 短暫不適感

2. 皮膚泛紅

3. 腫脹

4. 水泡、 脫皮、結焦

5. 痕癢

6. 輕微針刺感，繼而覺得灼熱

以上症狀可以通過冰敷去減輕不適感，或者脫毛後擦大量嘅潤膚露在痕癢嘅位置，一般嚟講，症狀會係療程後幾小時就會消失。但假如治療師做嘅過程間手勢唔好/ 儀器釋出的能量過高/ 重複照射皮膚局部位置等等，都會導致皮膚受損，甚至脫皮。如果客人係幾日後都仲係感到唔舒服，要盡快諮詢你嘅家庭醫生或者操作嘅治療師。