導致毛囊炎嘅原因？正確嘅剃毛方法？

其實錯誤嘅剃毛方法，除左會造成髮根處或皮膚受損，嚴重嘅會造成發炎同細菌感染，導致毛囊炎嘅發生。

導致毛囊炎3大因素

📌 以上圖片正常毛髮係唔同脫毛情況下嘅生長模式

1. 錯誤剃毛方向 剃毛方向十分重要，錯誤嘅剃毛方向有機會導致毛髮倒生。
   

2. 生鏽嘅剃刀 假如剃刀未能妥善保存，刀片好容易生鏽變鈍；或因為皮屑嘅堆積而滋生細菌。所以建議每次剃毛都使用一次性剃刀，唔好重複使用同一把剃刀。
   

3. 脫毛膏敏感 脫毛膏含有化學成份硫醇乙酸鈣，目的係溶解毛髮，但使用脫毛膏除左刺激肌膚，對肌膚比較敏感嘅人，更會造成紅腫過敏，甚至發生皮疹。

---

正確嘅剃毛方法？

剃毛方向十分重要，好多人會以為大腿同小腿係應該由下而上剃，但咁係錯架！！！咁剃唔單止會令毛髮變粗，仲有機會導致毛髮倒生添！正確嘅剃毛應該係順住啲毛髮生長方向去剃，記住保持同一個方向，千其唔好來回刮毛。